मुंबई महापालिकेची लॉटरी सामान्यांच्या आवाक्या बाहेर; लॉटरीतील 270 चौ. फुटाच्या घराची किंमत तब्बल एवढी…

मुंबई : हॅलो मुंबईकरांनो! आता मुंबई महानगरपालिका (BMC) लवकरच 426 घरे विक्रीसाठी घेऊन येत आहे. म्हाडाच्या धर्तीवर संगणकीय सोडतीद्वारे ही घरे विकली जाणार आहेत. पण, जरा थांबा… या घरांच्या किंमती ऐकून तुम्हाला धक्काच बसेल..

270 चौ. फुटाच्या घराची किंमत किती?

BMC कडून पहिल्यांदाच अशी सोडत होत आहे. यात 270 चौ. फुटाची अत्यल्प उत्पन्न गटाची घरे आणि 528 चौ. फुटाची अल्प उत्पन्न गटाची घरे आहेत. ही घरे भायखळा, कांदिवली, अंधेरी, जोगेश्वरी, गोरेगाव, दहिसर, कांजूरमार्ग, भांडूप अशा विविध भागांत आहेत. आठवड्याभरात यासाठी जाहिरात येणार आहे आणि दिवाळीनंतर सोडत होईल, असं पालिका आयुक्त भूषण गगराणी यांनी सांगितलं.

आता मुख्य मुद्दा! भायखळ्यातील 270 चौ. फुटाच्या छोट्या घराची किंमत आहे तब्बल 1 कोटी 7 लाख रुपये! हो, तुम्ही बरोबर वाचलं. आणि इतर ठिकाणच्या घरांच्या किंमती 60 लाखांपासून सुरू होतात. आता विचार करा, ही घरे अत्यल्प उत्पन्न गटासाठी आहेत, ज्यांची वार्षिक उत्पन्न मर्यादा फक्त 6 लाख रुपये आहे. म्हणजे महिन्याला जेमतेम 50 हजार रुपये कमावणाऱ्या कुटुंबाला इतकं महाग घर कसं परवडणार? आणि त्यांना गृहकर्ज तरी मिळेल का? हा मोठा प्रश्न आहे.

येथे वाचा – तुम्हालाही लागणार म्हाडाची लॉटरी; शिंदेंची मोठी घोषणा..!

किंमती इतक्या का?

BMC च्या अधिकाऱ्यांनी सांगितलं, की किंमती ठरवताना त्या त्या भागातील शीघ्रगणक दर (रेडी रेकनर रेट) आणि त्यावर 10 टक्के प्रशासकीय खर्च जोडला जातो. भायखळ्यात रेडी रेकनर रेट 30 हजार रुपये प्रति चौ. फूट आहे. त्यामुळे तिथली 42 घरे 1 कोटीच्या वर गेली आहेत. पण सामान्य माणसाला हा आकडा पचवणं कठीण आहे, नाही का?

काय आहे सोडतीचं स्वरूप?

(1) घरांचं वाटप: 59 टक्के घरे सर्वसाधारण गटासाठी, काही BMC कर्मचाऱ्यांसाठी, तसंच सामाजिक आरक्षण, पत्रकार, कलाकार यांच्यासाठी राखीव. (2) प्रक्रिया: म्हाडासारखीच संगणकीय प्रणाली. अर्ज, सोडत आणि वितरण सगळं डिजिटल पद्धतीने. (3) काय वगळलं?: राज्य सरकारी कर्मचारी आणि केंद्र सरकारी कर्मचारी या प्रवर्गासह एक प्रवर्ग (कोणता, ते स्पष्ट नाही) सोडतीतून वगळण्यात आलाय.

येथे वाचा – म्हाडाची जाहिरात आली; आता फक्त 18 लाखात घर, पहा घरांचे लोकेशन..!

काय म्हणाले मुंबई पालिकेचे आयुक्त?

नियमाप्रमाणे किंमती ठरल्या आहेत. पण जर घरांना प्रतिसाद मिळाला नाही, तर पुढे काय करायचं याचा विचार केला जाईल, असं आयुक्त गगराणी म्हणाले. पण खरंच, इतक्या किंमतीत ही घरे कोण घेणार? आणि सामान्य मुंबईकराचं स्वप्न असलेलं घराचं स्वप्न पूर्ण होणार का? असा प्रश्न आता उपस्थित झाला आहे.